برنامج استرجاع الملفات المحذوفة من الهارد
استرجاع الداتا والملفات المفقودة من الهارد سواء كان الهارد تالف او حدث خطأ ما
كيفية التعامل مع البرنامج وما هى الخصائص والمميزات للبرنامج
برنامج MiniTool partition wizard غنى عن التعريف والكثير من المستخدمين لأنظمة الويندوز والانظمة الاخرى يعرفوه جيدا لما يحتوى البرنامج على مميزات وخصائص مهمة وفعالة وحل مشكلات يصعب على العقل ان يستوعب انها من الممكن ان تحدث بسهولة ويسر وبطريقة غير متوقعه .
أهم مميزات البرنامج
هى استرجاع البيانات والداتا المحذوفة من الهارد
واجهة البرنامج
أما بالنسبة للنظام التالف واسترجاع البيانات والداتا التالفة عليك مراجعة هذا الفيديو للحصول على ملفاتك بسهولة ان شاء الله
طريقة استرجاع الملفات او الداتا من الهارد أو النظام التالف
هذا الاصدار من برنامج MiniTool partition wizard يوجد به مميزات اكثر من رائعة في تقسيم الهارد واستعادة البيانات والملفات على الهارد وكمان تقدر تدمج 2 بارتشن مع بعض او انك تاخد حجم ومساحة من بارتشن وتحطها في بارتشن اخر وبكدا تكون زودت حجم بارتشن ونقصت حجم البارتشن الاخر بكل سهولة وبدون حيرة ومجهود .
تقدر ترجه وتستعيد البارتشن الى مش موجود من خلال Partition Recovery
وكمان تقدر انك تستعيد البيانات والملفات التالفة والمخفية من Data Recovery
والخيار الموجود في الاعلى ايضا space Analyzer ودا بيوضحلك ويحلل ليك المساحة الموجودة عندك على الجهاز ، ولو فيه ملفات ملهاش أي لازمة وغير مهمة هو بيقدر يقوم بحذفها دون الضرر بالملفات المهمة على جهازك .
اضغط على ال Partition كليك يمين علشان نتعرف على المميزات الموجودة في البرنامج
- Data Recovery :- لو عندك بيانات محذوفة من البارتشن دا وحابب ان تستعيدها وتسترجعها تانى .
- Format :- وهو انك تعمل فورمات وحذف للملفات والداتا الموجودة على البارتشن بشكل نهائي.
- Partition Delete :- وهنا هتحذف البارتشن خالص يعنى مش هيبقى موجود عكس الفورمات بتحذف البيانات لكن البارتشن موجود ، يعنى لو حذفت Partition E هتلاقي كل أحرف البارتشنات موجودة ما عدا بارتشن E .
- Move Size :- ودى ميزة جميلة جدا ومميزة جدا ومنها بتقدر تزود مساحة أو تقلل مساحة من بارتشن .
- Extend :- وهى نفس فكرة ال move size ولكن الفكرة انك بتاخد مساحة من البارتشن الى قبل او بعد للبارتشن الى انت محتاج تزود ليه مساحه ، ملاحظة مهمة لازم تركز هنا فى الميزة دي كويس لان أي غلطة هيحصل تلف للبارتشن الى هتاخد منه والى هتديله مساحه .
- Merg :- وهو دمج المساحة الى انت فضيتها من البارتشن فى الخطوة بتاع remove resize وتعملها دمج مع البارتشن الى انت الى انت حابب تزودله المساحه .
- Split :- نفس الفكرة لو عاوز تقطع او تاخد مساحه من بارتشن وتعمل بارنشن تاني خالص بالمساحه الي انت اخدتها دي .
- Change cluster size :- ودي خاصة بملف وادارته في نظام الويندوز وهذه الخاصية غير متاحة بشكل مجاني .
- Copy :_ ودي للنسخ وغيرها من المهام الاخرى
- Lable :- ودا من خلاله بتقدر تغير احرف البارتشن .
- Align :- وهى اداة لمحاذاة جميع الاقسام ودي بتقدر توفر من خلالها مساحه في القرص الصلب ومحتاجه فيديو خاص لوحدها .
- Check file system :- وهنا اول ما بتشغل الكمبيوتر ممكن بجيلك رساله بتشير الى وجود نظام او ملفات تالفه او ان القسم محتاج تنسيق وكتير من الناس بتستخدم الميزة دي لاصلاح الخطأ دا ، والميزة دي لازم علشان تستخدمها لازم القسم دا الى هتشتغل عليه يحتوي على حرف محرك اقراص ولو مش موجود عليه حرف لازم تقوم بتعيين حرف ليه .
- Explore :- المستكشف وهنا تقدر تحدد البيانات الخاصة بالبارتشن الي بتحدده وقت الانشاء والتعديل عليه وحجم الملف .
- Hide partition :- اخفاء البارتشن من الجهاز خالص وتقدر تستعيده تاني عادي .
- Change partition :- ودا بقي من خلاله تقدر تغير احرف البارتشن .
وخيارات كتير جدا كل خيار محتاج فيديو مخصص لوحده .
Data Recovery مهمة جدا فى استرجاع البيانات والداتا الموجودة علي الهارد ولكن ملحوظه لو عندك هارد او ملفات كانت محذوفه او تالفه وحابب انك ترجعها يبقى اوعي تعمل Format او تقسم الهارد الا لما تستعيد ملفاتك وبياناتك الاول ، لأنك لو قسمت الهارد او عملت فورمات مستحيل ترجع البيانات تاني.