تطبيق مونتاج مجانى بميزات متعددة
تطبيق Youtube Creator
التطبيق مجانى ويتيح كل الميزات الممكنة لعمل المونتاج للفيديوهات بشكل مجانى وكل الموسيقى والصور والميزات الاخرى تستطيع استخدامها بدون اى انذارات للحقوق الطبع والنشر ، يوتيوب اتاح وانشأ البرنامج للتسهيل على منشئين المحتوى فى صناعة الفيديو من خلال المونتاج واتاحة المؤثرات والموسيقى وغيرها من الميزات .
التطبيق الاسهل فى المونتاج حيث يمكنك من خلال تطبيقات المونتاج صناعة محتوى احترافى وتستطيع اضافة المؤثرات لجعل الفيديو اكثر جاذبية واحترافية ، هتقدر من خلال التطبيق تجري تعديلات واضافه مقاطع جديده وتقدر انك تعاين المشروع بتاعك من خلال التطبيق ،كمان هتقدر تختار حجم الفيديو سواء كان الحجم لفيديوهات طويله او فيديوهات قصيره في اي وقت وانت بتعدل الفيديو بتاعك ،التطبيق هتلاقي فيه حزمه من الادوات الشامله اللي هتلبي جميع متطلبات تعديلك على الفيديو، وهتقدر من خلال التعديل على الفيديو انك تزيل الاجزاء اللي انت مش محتاجها في الفيديو او الاجزاء اللي بدون كلام ،كمان هتقدر انك تعثر على الفلاتر والمؤثرات وادوات التعديل ده بالاضافه لانك تقدر انك تعدل في سرعه الفيديو او في سرعه جزء معين من الفيديو الخاص بك، لو الفيديو الخاص بيك موجود فيه مجموعه من الضوضاء والنيويز في الخلفيه وانت بتتكلم هتقدر انك تستخدم ميزه تنظيف الملفات الصوتيه علشان الصوت بتاعك يبقى افضل واوضح، كمان هتلاقي في البرنامج ادوات زي اداه تدوير الفيديو انك تلف الفيديو بالشكل اللي انت محتاجه يمين او شمال واداه الريبليس وهي انك تقدر تستبدل القطعه او جزء من الفيديو من مكان لمكان ثاني وفي اداه خاصه بترتيب مقاطع الفيديو وفي اداه الحذف واداه تكرار الفيديو مره ثانيه او جزء من الفيديو لو انت محتاجه في النهايه او في بدايه الفيديو ،علشان تضيف الانتقالات لمقطع الفيديو او لجزء من اللي انت قاطعه في الفيديو تقدر تضيف الانتقال من خلال الجزء نفسه على يمين الجزء او يسار الجزء هتلاقي زر الانتقال باين عندك زي مثلثين مقابلين بعض والضغط عليهم هيوديك لمجموعه من الانتقالات او الترانزيشنز اللي تقدر تختارها على حسب ما تحب ،
تقدر كمان انك تضيف مقاطع فيديو تانيه للفيديو الخاص بيك ده من خلال النقر على علامه الزائد اللي على يمين التطبيق دي وده طبعا ناس كتير بتعمله اثناء انشاء فيديوهات shorts.
كمان لو انت اخترت حجم الفيديو على انه فيديو قصير بتلاقي عندك الوقت ظاهر وهو الدقيقه او 60 ثانيه والبرنامج بيقدر يخبرك بمده الوقت ودي ميزه كويسه جدا علشان تقدر تعرف مده الفيديو بتاعك قد ايه قبل استخراجه من البرنامج.
الحاجه المهمه والجميله في البرنامج وهي طريقه اضافه الاصوات والتعليقات الصوتيه على الفيديو او مشروعك ،لاضافه موسيقى او مؤثرات صوتيه خليك حريص قبل الضغط على علامه تبويب الصوت انك ما تكونش واقف على شريط الفيديو او محدد جزء من الاجزاء اللي انت مقطعها في الفيديو او الفيديو ككل وبعد كده بتروح تضغط على ايقونه الساوند او الصوت علشان يضيفها لك في شريط ثاني لوحدها ما يجيبهاش بين الفيديو او بين مقاطع الفيديو المقطعه، بمجرد الضغط على ايقونه الصوت بيوديك على مكتبه الملفات الصوتيه في يوتيوب لاضافه المقطع الصوتي المثالي الى الفيديو الطويل او فيديو القصير يمكن استخدام هذه المقاطع الصوتيه بدون اي تكلفه وبدون القلق من حقوق الطبع والنشر على يوتيوب،بمجرد استخدامك لمقاطع الصوتيه فده مش هيادي انك تبقى مطالب بدفع رسوم او ان اليوتيوب يطالبك بحقوق الطبع والنشر ولكن تقدر تستخدم الكلام او الموسيقى الموجوده في التطبيق بشكل مجاني وبدون اي قلق تماما لان التطبيق اصلا من خلال اليوتيوب نفسه، هتلاقي عندك علامات تبويب خاصه بالموسيقى او بصوت الافكتات او بالموسيقى الخاصه بيك وتقدر انك تبحث عن بعض او مقاطع الفيديو المتاحه على البرنامج وتقدر تستخدمها بكل سهوله وفي اي وقت وبدون قلق.
تقدر كمان من خلال البرنامج تستخدم ميزه البحث عن ايقاعات ودي بتبين لك مؤشرات الصوت علشان تسهل عليك عمليه المونتاج وتعرف انت اتكلمت في الوقت ده والجزء اللي انت ما اتكلمتش فيه او الجزء الفاضي تقدر انك تعمل له عمليه كت وتشيله من الفيديو خالص وكمان بتسهل عليك عمليه المزامنه بينها وبين مقاطع الموسيقى والمؤثرات الصوتيه اللي انت بتضيفها للفيديو، كمان الميزه الرائعه جدا انك تقدر تسجل صوت على مقطع الفيديو الخاص بيك على التطبيق، يعني لو كنت في سفر وعامل فلوج عن موضوع معين وحبيت انك تعلق عليه فبتعمل مونتاج للفيديو وبعد كده بتقدر انك تسجل صوت على الفيديو وهو شغال قدامك وتضيف التسجيل ده على مقطع الفيديو وتخرجه من خلال البرنامج،
وتقدر انك تعدل عليه وتظبط المستوى الصوت واضافه تاثيرات الظهور او الاختفاء التدريجي لمقطع الصوت.
البرنامج موجود عليه بعض الميزات اللي هتقدر تساعدك على انشاء فيديوهات عاليه الجوده تقدر من خلالها انك تنال اعجاب جمهورك بشكل كبير.
البرنامج متوفر بشكل تجريبي حتى الان في بعض البلاد زي الولايات المتحده الامريكيه والهند والسنغافوره وفرنسا والمانيا واندونيسيا وكوريا الجنوبيه.
فاذا كنت موجود في هذه البلاد التي ذكرناها سابقا يمكنك الدخول على متجر جوجل والبحث عن التطبيق وتنزيل البرنامج او الدخول على هذا الرابط لتنزيل تطبيق YouTube creator.
واذا كنت في بلد اخرى التطبيق غير متاح فيها حتى الان يمكنك تنزيل التطبيق بشكل مباشر بصيغة Abk من خلال هذا الرابط.
